काठमाडौं । नेपाल स्टक एक्सचेञ्मा आबद्ध कम्पनीको शेयर मापक नेप्से परिसूचक मंगलबार दोहोरो अंकले वृद्धि भएको छ ।

बजार परिसुचक २३.७६ अंकले वृद्धि भई २८४३.६२ बिन्दुमा पुगेको छ । यो अघिल्लो दिनको तुलनामा ०.८४ प्रतिशतले धेरै हो ।

कूल २३० कम्पनीका ५९ हजार ८ सय ८१ कारोबारबाट ६ अर्ब ७ करोड ३७ लाख १६ हजार ८ सय ८८ रुपैयाँ बराबरका ९९ लाख ७७ हजार ४ सय ४३ कित्ता शेयर किनबेच भएको स्टक एक्सचेञ्जले जनाएको छ ।

सोमबार लगातार ६ दिन वृद्धि भएको शेयर कारोबार घटेको थियो ।

लामो समयसम्म ठूला लगानीकर्ता हिजो सोमबार नेपाल राष्ट्र बैंकका गर्भनर महाप्रसाद अधिकारीले शेयर ऋणको ब्याजदर पनि बढाउन नदिने र तरलता अभाव पनि हुन नदिने प्रतिबद्धता गरे पनि त्यसको प्रत्यक्ष प्रभाव शेयर बजारमा देखिएको छ ।

अहिले शेयर बजारको मुख्य समय आएकाले सूचीकृत कम्पनीहरुले धमाधम वित्तीय विवरण सार्वजनिक गर्दा नाफा औसतमा बढेको स्टक एक्सचेञ्जले जनाएको छ ।