काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओली शीतल निवास पुगेका छन् । राष्ट्रपति विद्यादेवी भण्डारीलाई भेट्न उनी शीतल निवास पुगेका हुन् ।

आइतबार साढे मध्याह्न १२ बजे राष्ट्रपति भेट्न ओली शीतल निवास पुगेका हुन् । स्रोतका अनुसार उनी गएका दशैँ, तिहार र नजिकिएको छठ पर्वको शुभ कामना आदान प्रदान गर्न शीतल निवास पुगेका हुन् ।

यस्तै, राष्ट्रपति भण्डारीसँग ओलीले एमालेको दशौँ महाधिवेशनका बारेमा समेत छलफल गर्ने भएका छन् । एमालेको महाधिवेशन आगामी मंसिर १०, ११ र १२ गते चितवनमा हुने भएको छ ।