काठमाडौँ । नेपाल बार एशोसिएसनले प्रधानन्यायाधीश चोलेन्द्र शम्सेर जबराले घुसपैठ गराएर आफ्नो आन्दोलन दबाउन खोजेको आरोप लगाएको छ । बारको धर्नालाई सम्बोधन गर्दै कानून व्ययसायीले यस्तो आरोप लगाएका हुन् ।

एशोसिएसनका महासचिव लिलामणि पौडेलले आन्दोलनमा घुसपैठ गराएर निस्तेज पार्न खोजिइएको बताए । उनले बारको आन्दोलन अझै सशक्त हुने बताए । कानुन व्यवसायीहरु प्रधानन्यायाधीश जबरालाई सर्वोच्च अदालत प्रवेशमा रोक लगाउने भन्दै आन्दोल गर्दै आएका छन् ।

सम्बोधनका क्रममा कानून व्यवसायीहरुले प्रधानन्यायाधीश जबराले राजीनामा दिनुपर्ने बताएका छन् । बारले १२ बजेसम्म सर्वोच्च अगाडि धर्ना दिने र त्यसपछि बारको कार्यालयमा फर्किने बताइएको छ ।