काठमाडौं । नेपाली कांग्रेसको १४ औं महाधिवेशनमा पदाधिकारीको उम्मेदवारी टुंगो लगाउँन संस्थापन समुहको प्रधानमन्त्री निवास बालुवाटारमा बैठक बसिरहेको छ । निर्वाचन क्षेत्रबाट निर्वाचित भएर आएका प्रतिनिधिसँगको छलफलपछि बालुवाटारमा अनौपचारिक छलफल भइरहेको एक नेताले बताए ।

उनका अनुसार बैठकमा पदाधिकारीमा दाबी गरिरहेका नेताहरुसहित अन्य नेताहरुको पनि उपस्थिति रहेको छ । कांग्रेसको १४ औं महाधिवेशन आजबाट सुरु हुँदैछ । दिउँसो एक बजे महाधिवेशनको उद्घाटन गर्ने कांग्रेसले बताएको छ ।

तर, संस्थापन पक्षले पदाधिकारीमा उम्मेदवारीको टुंगो लगाउन सकेको छैन भने इतर समुहले सभापतिको साझा उम्मेदवार टुंगोउन सकेको छैन । शनिबार उम्मेदवारी दर्ता गर्ने र आइतबार मतदान हुने कांग्रेसले जनाएको छ ।