‘कांग्रेस’ लाई फकाउँदै ओली-प्रचण्ड

ओलीलाई कांग्रेससँगको प्रचण्ड-माधवको गठबन्धन तोडाउनु छ, प्रचण्डलाई कांग्रेससँगैको गठबन्धन जोडनु छ

मेरोन्यूज २०७८ मंसिर २४ गते १७:४३

काठमाडौं । नेपाली कांग्रेसको महाधिवेशनमा एमाले र माओवादी केन्द्रले ‘कांग्रेस’लाई फकाउने प्रयास गरेका छन् । शुक्रबार देखि शुरु भएको कांग्रेसको १४ औं महाधिवेशनको उदघाटन सत्रमा शुभकामना दिन पुगेका एमाले अध्यक्ष केपी ओलीले कांग्रेसलाई घुमाउँरो पारामा साना दलसँगको सम्वन्ध तोडेर अगाडी हिड्न र माओवादी केन्द्रका अध्इक्ष पुष्पकमल दाहाल (प्रचण्ड)ले एक्लै नहिडि सहकार्य गरेरै अगाडी वढ्न आग्रह गदैं आ–आफ्नै शैलीमा फकाउने प्रयास गरेका छन् ।

गत वर्षको पुस ५ यता एउटै मञ्चमा देखादेख नगरेका र भेटघाट समेत नभएका ओली र प्रचण्डले एक वर्ष यता कांग्रेसको महाधिवेशनको एउटै मञ्च सेयर गरेर काग्रेसलाई कुन दल र शक्तिसँग सहकार्य गर्न हुने/नहुनेमा आफ्नै शैलीमा सुझाव दिएका छन् ।

२०७४ सालको प्रदेश तथा केन्द्रको चुनावमा बामगठवन्धन बनाएर कांग्रेसका विरुद्ध एमाले र माओवादी केन्द्रले चुनाव लडेका थिए । त्यसपछि कांग्रेसलाई यी दुई पार्टीले केन्द्र देखि प्रदेश सम्मकै सरकारमा आउनै नदिने गरी परिणाममा कांग्रेसको इतिहासमै कमजोर हुने गरी खुम्चाईदिएका थिए ।

त्यसवेला चुनावी गठवन्धन र लगत्तै पार्टी एकता गर्ने भनेर ओली र प्रचण्डले जनमत वामपन्थीहरुको पक्षमा वटुलेका थिए । त्यसपछि पार्टी एकतासमेत गरेका यी पार्टीको एकता लामो समय टिकेन । अहिले गत वर्ष पुस वाटै अहिले यी दुई पार्टी अलग भएका छन् । एमालेमा अर्काे विभाजन माधव नेपालले गरेका छन् ।

कम्युनिष्टमा आएको यही विभाजनले फेरि केन्द्र देखि प्रदेशसम्म कांग्रेसलाई सत्तामा जान ढोका खुलेको छ । राजनीतिक परिदृश्य यति वदलिएको छ की, अहिले एमाले एक्लो र कांग्रेस, माओवादी केन्द्र, माधव नेपालको नेकपा एकीकृत समाजवादी, राष्ट्रिय जनमोर्चा, उपेन्द्र यादवको जनता समाजवादी अर्काेतिर सत्ता गठवन्धन बनाएर वसेका छन् ।

सम्मुखमा अव स्थानिय देखि प्रदेश र केन्द्रका चुनावको निरन्तरको चुनावी श्रृखला चल्दैछ । यो चुनावसम्मै कांग्रेसलाई फकाएर गठवन्धन बनाएर जाने र एमालेलाई धुलोपिठो बनाउने योजनामा प्रचण्ड-माधव नेपालहरु छन् । उनीहरुले माघ १२ मा हुन लागेको राष्ट्रिय सभा चुनावमा गठवन्धनको सहमति गरिसकेका छन् ।

तर ओली यो गठवन्धन तोडन र सकभर कांग्रेसलाई पनि एक्लै चुनावमा जाने गरी धकेल्न र त्यसरी जाँदा आफुलाई कसैले पनि मिलेर घेरावन्दी गर्न नसक्ने बाताबरण निर्माण गर्न चाहिरहेको छ ।

त्यही आ -आफ्नै स्वार्थ केन्द्रीत राजनीतिमा कांग्रेसलाई फकाउने प्रयास ओली र प्रचण्डले कांग्रेसको उदघाटन सभामा सार्वजनिक रुपमै प्रकट गरेका छन् ।

मओवादी काग्रेससँग चुनावी गठवन्धन सकेसम्म बनाएर जान पाए ओलीलाई साइजमा ल्याउन सकिने र आफनो पार्टीको पनि भविश्य सुरक्षित हुने ठम्याईमा छ । ओली भने माओवादी र माधव नेपालको पार्टीलाई काग्रेसवाट छुटाएर अलग बनाईदिन पाए, कांग्रेस र एमालेको मात्र प्रतिस्पर्धा हुने र तयसमा आफनो पार्टीको पनि सुरक्षित भविश्य रहन सक्ने वुझाईमा छन् ।

त्यही कारण पनि काग्रेसको महाधिवशेन मञ्चमा सँगै देखा परेका ओली र प्रचण्डले कांग्रेसलाई आफुतिर आर्कर्षित गर्ने प्रयास गरेका हुन् ।

के भने प्रचण्डले ?

नेपालमा शान्ति वार्ताको सुरुआत गर्ने श्रेय देउवालाई जान्छ । उहाँले पहिलो चिठी मलाई लेखेर वार्ताको आह्रवान गर्नुभयो । त्यसपछि नै वार्ताको बाताबरण क्रमश बनेको हो । कांग्रेससँग महाधिवशेनमा उभिएर मैले शुभकामना दिदै गर्दा काग्रेससँग माओवादी पार्टीको र अध्यक्षको हैसियतले प्रचण्डको एक खालको विशिष्ट सम्वन्ध छ । खाली शान्ति सम्झौताको सन्र्दभमा मात्र होइन, यो परिवर्तनको सस्थागत गर्ने र देशलाई अग्रगति दिन जरुरी छ ।

कहिले काँही म सुन्छु – पार्टी र साथीहरु एक्लै हिडने कुरा गर्नुहुन्छ । एक्लै हिडनुपर्छ भन्नुहुन्छ । होइन। हामी एक्लै हिडने कुरा अहंकार कसैले पनि नगरौं । हामीले मिलेरै हिडने हो । राजनीतिक प्रतिस्पर्धा गरेपनि त्यो प्रतिस्पर्धाभित्र पनि हामीले एकता खोजी राख्नै पर्ने हुन्छ । अहिले हामीले जे सफलता भनेका छौं, एकतावाट, गठवन्धनवाट प्राप्त भएको सफलता हो ।

२०४६ सालको आन्दोलनको सफलता, शान्ति प्रक्रियाको सफलता या २०६२/०६३ को जनआन्दोलनको सफलता सवै लोकतानन्त्रक राजनीतिक दलहरुको वीचमा भएको एकताको परिणाम हो । त्यसकारण एक्लै हिडने अहंकार गर्न खोज्दा जसले अहंकार गरयो, त्यसको ओरालो यात्रा शुरु भयो भन्ने कुरा नेपालको राजनीतिक इतिहासले देखाएको छ । त्यसकारण यो महाधिवशेनमार्फत संगो राष्टलाई एकतावद्ध गर्ने, राजनीतिक दलहरुका वीचमा समझदारी बनाउने र मुख्यतः लोकतान्त्रिक दलहरुका वीचमा समझदारी कायम गर्ने र देशलाई सुसासन, विकासको नयाँ युगमा लैजाने कुरामा देशको ठुलो पार्टी, शान्ति सम्झौताको हस्ताक्षरकर्ता पार्टीको नाताले पनि कांग्रेसले उचित निति निर्धारण र नेतृत्व निर्धारण गरोस । सुभकामना छ ।

ओलीले के भने ?

म कसैको कुरामा वाद प्रतिवाद गर्न चाहान्न । मेरो राजनीति म आफ्नैमा गर्छु, मलाई मञ्चको कमी छैन । कांग्रेससँगै एमाले अगाडी वढन तयार छ । राष्टियता, लोकतन्त्र, सुशासन, विकास, समाजिक न्याय र समृद्धिको प्रश्नमा देशलाई अगाडी वढाउने कुरामा सहकार्य गर्न एमाले तयार रहेको छ ।

राजनीति आ-आफना स्वार्थको रोटी सेकाउने कुरा र त्यस अनुसारको राजनीति होइन । केही साना दलहरुलाई कांग्रेसले औलो समाउन दिएन भने के होला भन्ने पीर छ । सधै सुन्छु, सँगै जानुपर्छ । सँगै जानुपर्छ भनेको सरकारमा मात्रै हो की देश बनाउन सँगै जानुपर्छ भनेको हो ? देश बनाउन सँगै जाने कुरामा नेकपा एमाले नेपाली कांग्रेसको साथमै छ ।

हामी सरकारमा छैनौं, प्रतिपक्षमा छौं । प्रतिपक्ष भनेको के संसदको अंग होइन ? हामी साथमा छैनौं ? लोकतन्त्रको विषयमा हामी साथमै लडेका छैनौं ? त्यसकारण सरकारबाट हटनुपर्ला की भन्ने कतिपयलाई चिन्ता होला, एमाले एक्लै हिडने रहर पनि गदैन र अरुको भरमा राजनीति पनि गर्दैन । नेपाली कांग्रेस सवैलाई साथ लिएर अगाडी चलोस् मेरो कुनै आपत्ति छैन । तर काग्रेस अरुका नीतिका पछाडी होइन, आफना नीतिका पछाडी हरुलाई हिडाओस ।

शेरवहादुर जी प्रधानमन्त्री मात्र होइन, सरकारको नेता हुनुहोस् भन्ने शुभकामना छ ।