काठमाडौँ । नेपाली क्रिकेट टिमको प्रशिक्षकमा पुबुदु दसानायके नियुक्त भएका छन् । उनी दोस्रोपटक नेपाली राष्ट्रिय क्रिकेट टिमको प्रशिक्षक नियुक्त भएका हुन् ।

नेपाल क्रिकेट संघ (क्यान)को बोर्ड मिटिङले शनिबार पुबुदुलाई प्रशिक्षकमा पुनः नियुक्त गर्ने जनाएको हो । उनी यसअघि सन् २०११ देखि २०१५ सम्म नेपालको प्रशिक्षक भूमिकामा रहेका थिए ।

गत सेप्टेम्बरमा तत्कालीन प्रशिक्षक डेभ वाटमोरले राजीनामा दिएसँगै क्रिकेट टिमले नयाँ प्रशिक्षक पाएको हो । क्यानले मुख्य प्रशिक्षक पदमा ६० जनाले आवेदन दिएका थिए ।

अन्तिम चरणमा क्यानले पाँच जनाको अन्तर्वार्ता लिएको थियो । जसमा क्यानडाका पुबुदु नियुक्त भएका हुन् ।