काठमाडौं । नेपाली कांग्रेसको जारी १४ औं महाधिवेशनबाट नयाँ नेतृत्व चयनका लागि सभापति पदमा रामचन्द्र पौडेल समूहका शेखर कोइरालाले आफ्नो नेतृत्वमा छुट्टै टिम बनाएका छन् ।

संस्थापन इतर पक्षमा साझा सहमति नजुटेपछि सबै तीन नेताहरु तीनतिर फर्किएका छन् । संस्थापन इतरकै प्रकाशमान सिंहले सुजाता कोइरालालाई आफ्नो टिममा राखेर उम्मेदवार घोषणा गरेपछि शेखरले गगन थापा र मिनेन्द्र रिजाललाई आफ्नो टिममा राखेर उम्मेदवार घोषणा गर्दैछन् ।

शेखर टिमबाट उपसभापतिमा धनराज गुरुङ र चन्द्र भण्डारी तथा सह–महामन्त्रीमा देवराज चालिसे, बद्री पाण्डे, जीवन परियार, विकास लामा, कमला पन्त, रामकृष्ण यादव, तेजुलाल चौधरी र वकिल मियाँ हुने गरी छलफल भएको छ ।

शेखर प्यानलबाट सहमहामन्त्रीको उम्मेदवारमा खस आर्यबाट देवराज चालिसे, पिछडिएको क्षेत्रबाट बद्री पाण्डे, दलितबाट जीवन परियार, महिलाबाट कमला पन्त, मधेसीबाट रामकृष्ण यादव र थारुबाट तेजुलाल चौधरी र अल्पसंख्यबाट वकिल मियाँ उम्मेदवार बनेका छन् ।

यस्तै शेखरको टिमबाट उपसभापतिमा चन्द्र भण्डारी र धनराज गुरुङ उम्मेदवार बनेका छन् ।