आज २०७८ साल पौष महिनाको ३ गते शनिबार । राशिअनुसार यस साता कस्तो रहने छ ? प्रस्तुत छ साप्ताहिक राशिफल ।

मेष
यस राशिका व्यक्तिहरुलाई यस साता सकारात्मक रहने छ । चालिएका कदमहरु सकारात्मक दिशामा अघि बढ्ने छ । पेशागत जीवनबाट लाभ मिल्ने छ । बाणिको प्रभाव बढ्ने हुँदा अरुको मन जित्न सकिने छ । चिसोजन्य रोग व्याधीको समस्याले च्याप्ने छ । स्वास्थ्यजन्य खर्चको मात्रा बढ्न पुग्ने छ । परिवारमा मिलनको वातावरण भन्दा द्वन्दात्मक अवस्था आउने छ । आर्थिक व्यवस्थापनमा अलि दबाब महशुस हुन जाने छ ।

वृष
यस राशिका व्यक्तिहरुलाई यस साता मध्यम खालको हुने छ । उठाउनु पर्ने रकम उठ्ने छ भने मित्रहरुको साथका कारण उत्साह जाग्ने छ । चालेका कदमहरु अघि बढ्ने छ । पेशागत जीवनमा धेरै प्रगति नभए पनि अशुभ पनि हुने छैन् । बोलीको प्रभाव केही कम हुन जाने छ । रिस नियन्त्रणमा ध्यान दिनु होला । दाम्पत्य जीवनमा भरोषा बढ्ने छ ।

मिथुन
यस राशिका व्यक्तिहरुलाई यस साता सकारात्मक बन्ने छ । आम्दानीमा हुने बृद्धिसँगै तामसी खर्चालु स्वाभाव हुने भएकाले विचार गर्नु होला । पेशागत क्षेत्रमा जिम्मेबारी बृद्धि हुने छ तर मनोवलमा केही कमजोरी देखिँदा हतासोपना आउने छ । बोलीको प्रभाव बढ्ने भएकाले प्रभावकारी सञ्चार क्षमता बढने छ । मनमा दुविधात्मक र असन्तोषपूर्ण विचारले छोड्ने छैन् ।

कर्कट
यस राशिका व्यक्तिहरुलाई यस साता जोखिमले भरिएको हुने छ । आम्दानीमा गिरावट हुन जाँदा दबाब सृजना हुने छ । पेशागत जीवनमा अनुमान गरे भन्दा बढि चुनौतिपूर्ण वातावरणको सामना गर्नु पर्ने छ । मनमा निराशाले गाँज्ने छ । मनोबल दृढ हुँदा हुँदै पनि परिस्थितिसँग निकै डर लागे जस्तो हुने छ । स्वास्थ्य समस्याले पिरोल्ने छ । मित्रहरुसँग द्वन्द बढ्ने र मनमुटाब हुने खतरा भएकाले संयमित रहनु नै उत्तम हुने छ ।

सिंह
यस राशिका व्यक्तिहरुलाई यस साता मध्यम खालको रहने छ । सामाजिक जीवन बलियो हुने छ । राजनीतिमा रहेकाहरुलाई जित हासिल हुने छ । पेशागत जीवनमा औसत यात्रा रहने छ । परिवारको साथका कारण उत्साहको कमि हुने छैन् । आर्थिक व्यवस्थापनमा सहजता उत्पन्न हुने छ । प्रेममा असफलता हात लाग्ने छ । रत्न, आभुषण तथा गहनाहरु हराउने जोखिम देखिएकाले विचार पुर्याउनु होला ।

कन्या
यस राशिका व्यक्तिहरुलाई यस साता चुनौतिपूर्ण रहने छ । चोरीको सामना गर्नु पर्ने छ । धन सम्पत्तिको सुरक्षा र व्यवस्थापनलाई गम्भीरतापूर्वक लिनु होला । कारोवारमा घाटा व्योहर्नु पर्ने छ । आर्थिक असन्तुलनले एक प्रकारको दबाबपूर्ण मनोविज्ञान जबर्जस्ति सृजना गरिदिने छ । बोलीको प्रभाव घट्ने भएकाले बोलीम संयमता अपनाउनु होला । जीवनसाथिको साथले निकै ठुलो मद्धत प्रदान गर्ने छ ।

तुला
यस राशिका व्यक्तिहरुलाई यस साता रचनात्मक बन्ने छ । सृजनशिल कार्यहरुमा सफलता हात पर्ने छ । आँटेका कामहरुमा सफलता प्राप्त हुने र नकारात्मकता घटेर जाने छ । मनोबल उच्च भएको र दृढताले भरिएको व्यक्तित्व हुने छ । परिवारको साथले उन्नति तथा प्रगतिमा ठुलो टेवा दिने छ । जीवनसाथिको साथ पनि उत्साही प्रकृतिको रहने छ । पेशागत जीवन सन्तुलित रहने छ । आर्थिक पक्ष अनुकुल रहने छ ।

वृश्चिक
यस राशिका व्यक्तिहरुलाई यस साता कठिनाईबाट गुज्रनु पर्ने छ । राम्रै गर्न खोज्दा पनि अपजस प्राप्त हुँदा निराका लहर मनमा आउने छ । भाग्यको साथ छैन् । धेरै मेहनतका बाबजुद पनि प्रतिफल शुन्य प्राय हुने छ । सामाजिक क्षेत्रबाट आफुलाई आलोचना गर्नेहरु धेरै हुने छन् । आफुले विश्वास गरेकाहरुबाट धोका व्योहर्नु पर्ने चुनौति भएकाले अड्कल गरेर मात्र विश्वास गर्नु भए ठिक हुने छ ।

धनु
यस राशिका व्यक्तिहरुलाई यस साता औसत खालको रहने छ । झैभगडाको अवस्थाले तनाव थप्ने छ । अनावश्यक झैझमेलामा अड्कनु पर्ने र त्यसले आर्थिक तनाव थपि दिने छ । मुद्धा मामिला तथा अड्डा अदालत र प्रशासनिक झमेलामा अल्झिनु पर्ने छ । कुलत जस्ता क्षेत्रमा सँलग्न हुने खतरा रहेकाले संयमित रहनु होला । पेशागत जीवन औसत खालको रहने छ । आर्थिक पक्ष पनि औसत खालकै रहने छ ।

मकर
यस राशिका व्यक्तिहरुलाई यस साता मध्यम प्रकृतिको हुने छ । पेशागत जीवनमा भुमिका नबढे पनि कामको कदर भने हुने छ । आर्थिक पक्ष पनि सवल रहने छ । नयाँ नयाँ काममा हात हाल्ने र एक हदसम्म सफलता मिल्ने छ । परिवारमा भने तनावपूर्ण वातावरण हुने भएकाले विचार पुर्याउनु होला । परिवारका अन्य सदस्यहरुको भने आड र भरोषा प्राप्त हुने छ । मनमा अन्योलताले छोड्ने छैन् ।

कुम्भ
यस राशिका व्यक्तिहरुलाई यस साता केही सुधार आउने छ । आम्दानीमा बृद्धि नभए पनि कमि पनि हुने छैन् । पेशागत जीवनमा सकारात्मक सोच र गति पैदा हुने छ । मित्र मिलन हुने छ भने मित्रहरुको साथ र समर्थन पनि प्राप्त हुने छ । स्वास्थ्यमा सुधार आउने छ । तर निन्द्रामा समस्या आउने र नकारात्मक विचारले भने सताउने छ । मनले आँटेका कुराहरु सकारात्मक ढंगमा अघि बढ्ने छ । झैझगडाबाट भने बच्नु होला ।

मीन
यस राशिका व्यक्तिहरुलाई यस साता औसत प्रकृतिको बन्ने छ । पेशागत जीवनमा आलोचना गर्नेहरु मत्थर हुने छन् । आर्थिक व्यवस्थापनमा सहजता देखिने छ । अध्ययन अधयापनमा बढोत्तरी हुने छ । यात्रामा सफलता मिल्ने छ । प्रतिष्पर्धात्मक क्षमता बलियो हुने भएता पनि निर्णय क्षमतामा भने कमजोरी देखिने छ । विश्वास गरेका मित्रहरुबाटै धोका हुने चुनौति देखिएकाले सतर्क रहनु होला । दुव्र्यसनबाट टाढा रहने प्रयास नै उत्तम हुने छ ।

(ज्यो. गुरु दिवाकर पन्त– ज्योतिषी, वास्तुविद्, रत्नविद् एवं हस्तरेखाविद् हुन् सम्पर्क– ९८१३६३७२३८)