काठमाडौँ । नेकपा माओवादी केन्द्र निकट जनसांस्कृतिक महासंघमा नयाँ नेतृत्व चयन भएको छ । शनिबार सम्पन्न महासंघका सातौं राष्ट्रिय सम्मेलनले अध्यक्षमा मातृका पोखरेललाई चयन गरेको हो ।

महासचिव भने चयन हुन बाँकी छ । महासचिवमा सुवर्ण हमाल र केशर कालिकोटेले दावी गरेपछि नवनिर्वाचित केन्द्रीय समितिले यसबारेमा निर्णय लिने भएको छ । त्यस्तै, एक उपाध्यक्ष र २ सचिव पनि चयन हुन बाँकी छ । जनसांस्कृतिक महासंघले ९९ सदस्यीय केन्द्रीय समिति चयन गरेको छ ।

१५ सदस्यीय पदाधिकारीमा अध्यक्षसहित अन्य १० पदाधिकारी चयन भइसकेको छ । उपाध्यक्षहरुमा कर्णबहादुर परियार, केशव शिलवाल, देवेन्द्र थुम्केली, प्रगति महरा, भीम कुमाखी, राकेश किराँती, केपी पाठक, सुदिन चौधरी, चेतन सापकोटा र विक्रम कुवर र सचिवमा केशरी घर्तीमगर चयन भएकी छन् । त्यस्तै कोषाध्यक्षमा विमला केसी चयन भएकी छन् ।

महासचिव, एक उपाध्यक्ष र २ सचिव भने निर्वाचित केन्द्रीय समितिले सर्वसम्मत चयन गर्ने, नभए केन्द्रीय समितिबाट चुनावी प्रक्रियाबाट चयन गर्ने भएको छ ।