काठमाडौं । उच्च शिक्षा लिन चाहने विद्यार्थीलाई लक्षित गरेर दुई दिने शैक्षिक मेला हुने भएको छ । मेला पुस ८ र ९ गते अर्थात बिहिबार र शुक्रबार काठमाडौंको बानेश्वरस्थित एभरेष्ट होटलमा मेला सञ्चालन हुने आयोजक भिजन मिडिया ईन्कपोरेशन र एजुकेशन डटकमले जनाएको छ ।

“स्वदेशमै शिक्षा सबैको इच्छा“ मुख्य उद्देश्यका साथ स्टडि इन नेपाल आयोजनामा मेला गर्न लागिएको प्रमुख कार्यकारी अधिकृत जीवन लामा गोलेले बताए ।

‘मेला २ दिन चल्ने मेला बिहान १० बजेदेखि साझ ६ बजेसम्म चल्ने छ,’ उनले भने ‘उक्त मेलामा काठमाडौं ,त्रिभुवन, पोखरा ,पुर्वाञ्चल,मध्यपश्चिमाञ्चल साथै अन्तराष्टिय विश्वविद्यालयसँग आवद्ध विभिन्न कलेहरुले विद्यार्थीहरुलाई निशुल्क परार्मश दिईनेछ ।’

बिबिए,बिएसी, बिएचएम लगायत कोष अध्ययन गर्न चाहने विद्यार्थीले मेलाबाट फाइदा उठाउँन सक्नेछन् ।