काठमाडौँ । प्रदेश १ मा पछिल्लो २४ घण्टाको अवधिमा २३ जनामा कोरोना संक्रमण भएको छ । सामाजिक विकास मन्त्रालयका अनुसार ३३४ जनाको पीसीआर परीक्षण गर्दा १८ र ११८ जनाको एन्टिजेन परीक्षणमा पाँच जनामा सङ्क्रमण देखिएको छ ।

मन्त्रालयका अनुसार पीसीआर परीक्षणका आधारमा मोरङ र सुनसरीमा सात सात, इलाम र झापामा एक एक र प्रदेश बाहिरका दुई जनामा संक्रमण देखिएको हो ।

मोरङको विराटनगरमा सात, सुनसरीको इटहरीमा चार, धरानमा दुई र इनरुवामा एक, इलामको इलाम नगरपालिका र झापाको कमल गाउँपालिकामा एक एक र प्रदेश बाहिरका दुई जनामा संक्रमण देखिएको हो ।

प्रदेशमा आज चार महिलासहित १२ जना कोरोना संक्रमणमुक्त भएका छन् । सक्रिय संक्रमितको संख्या १५० रहेको मन्त्रालयले जनाएको छ ।