नेपालको जनसंख्या २ करोड ९१ लाख ९२ हजार ४८०

मेरोन्यूज २०७८ माघ १२ गते १०:२७

काठमाडौं । नेपालको जनगणना २ करोड ९१ लाख ९२ हजार ४८० पुगेको केन्द्रीय तथ्यांक विभागले जनाएको छ । पारम्भिक नतिजा सार्वजनिक गदै तथ्यांक विभागले जनसंख्या सार्वजनिक गरेको हो ।

राष्टिय जनगणना २०६८ मा गरेको जनगणनामा नेपालको जनसङ्ख्या २ करोड ६४ लाख ९४ हजार पाँच सय चार पुगेको थियो । अहिले १० वर्षपछि नेपालको जनसंख्या २ करोड ९१ लाख ९२ हजार ४८० पुगेको हो । १० वर्षको वीचमा नेपालको जनसंख्या २६ लाख ९७ हजार ९७६ वढेको छ ।

अहिले सार्वजनिक भएको जनसंख्याका आधारमा महिलाको संख्या १ करोड ४९ लाख १ हजार १६९ र पुरुष १ करोड ४२ लाख ९१ हजार ३११ छ ।

अघिल्लो पटकको तुलनामा जनसंख्या वृद्धिदर घटेको विभागले जनाएको छ ।