काठमाडौं । एमालेका वरिष्ठ नेता माधव नेपाललाई भेटन प्रधानमन्त्री शेरवहादुर देउवा अहिले नेपाल निवास कोटेश्वर जाने तयारी गरेका छन् । दुई नेताका वीचमा अव केही समय पछि नेपाल निवासमा भेट वार्ता हुन लागेको हो ।

एमालेवाट जोखिम उठाएरै नेपालले देउवालाई प्रधानमन्त्री नियुक्तिका लागि साथ दिएका थिए । देउवाले नेपाल पक्षलाई पनि सरकारमा सहभागी हुन आग्रह गरेका थिए । तर नेपालले पार्टी एकताको प्रयास भईरहेकोले यसमा पछि छलफल गर्ने जवाफ यस अगाडी दिएका थिए ।

एमाले अध्यक्ष ओली देउवाको सपथमा नगएपनि नेपालले भने पुगेर पहिलो वधाइृ पनि दिएका थिए ।

नेपाल लाई ओलीले एमालेमा कुनै स्थान नुहने आजै बताईरहेका बेला प्रधानमन्त्री देउवा नेपाल निवास जान लागेका हुन् ।

नेपालसँग विहानै मात्र एमालेका उपाध्यक्ष वामदेव गौतमले झण्डै एक घण्टा र त्यसपछि माओवादी केन्द्रका नेता नारायणकाजी श्रेष्ठले पनि भेटवार्ता गरेका थिए ।