काठमाडौँ । जनता समाजवादी पार्टी (जसपा)का अध्यक्ष महन्थ ठाकुर पक्षले प्रधानमन्त्री शेरबहादुर देउवालाई विश्वासको मत दिने निर्णय गरेको छ ।

​प्रधानमन्त्री देउवाले ठाकुरलाई पत्र पठाएर विश्वासको मत दिन आग्रह गरेका थिए । देउवाले पत्र पठाएसँगै कांग्रेस र जसपा ठाकुर पक्षबीच छलफल भएको थियो । छलफलमा देउवाले ठाकुरलाई मधेसको माग पूरा गर्ने आश्वासन दिएका थिए ।

जसपाले उपेन्द्र यादव पक्षले यसअघि नै देउवालाई मत दिने निर्णय गरिसकेको थियो ।