काठमाडौं । कांग्रेस पदाधिकारी र पूर्वपदाधिकारीको बैठक साउन ८ गते बस्ने भएको छ । पार्टी सभापतिसमेत रहेका प्रधानमन्त्री शेरबहादुर देउवाले निजी निवास बुढानिलकण्ठमा पार्टी पदाधिकारी बैठक बोलाएका छन् ।

गत शुक्रबार र शनिबार पार्टी पदाधिकारी बैठक सरकारी निवास बालुवाटारमा बैठक राखेका थिए । जसको चर्को आलोचना खेपेका देउवाले अबदेखि पार्टी कार्यालय सानेपा वा सभापतिको निजी निवास बूढानिलकण्ठमा गर्ने बताएका हुन् ।

गत शनिवारको बैठकमा पार्टी सभापति देउवालाई आफ्नै पार्टीका नेताहरुले पार्टीको कुनै पनि बैठक बालुवाटारमा नराख्न आग्रह गरेका थिए । उक्त बैठकमा पार्टी कार्यालयमा धर्ना भएकाले बालुवाटार राखेको देउवाले बताएका थिए ।

महामन्त्री पूर्णबहादुर खड्काले अबदेखि पार्टी बैठक बालुवाटारमा नहुने जानकारी दिए । कांग्रेसले १४ औं महाधिवेशन तयारीका लागि बैठक केन्द्रित रहने बताइएको छ ।