काबुल । तालिबानले अफगानिस्तानलाई नियन्त्रणमा लिएपछि स्वदेश फर्किने क्रममा रहेका एक सय ५० जना काबुल विमानस्थल नजिकैबाट अपहरणमा परेका छन् ।

शुक्रबार अपहरणमा परेका अधिकांश भारतीय रहेको इन्डिया डटकमले जनाएको छ । तालिबानका प्रवक्ता अहमदुल्लाह वसेकले भारतीय नागरिकको अपहरणको सम्बन्धमा मिडिया रिपोर्ट अस्वीकार गरेका छन् ।

#Breaking: All #Indians are safe. and the people who took them collecting their passports and checking them and investigating. a source told @Etilaatroz abductors told them that all will move back to the #kabulairport. now they are in a garage close to the #kabulairport

— Zaki Daryabi (@ZDaryabi) August 21, 2021

बिहान काबुल एयरपोर्ट पुगेकाहरूलाई हतियारधारी तालिबानीहरूले नियन्त्रणमा लिएको बताइएको छ । अपहरणमा परिएका भनिएकाहरू सबै सुरक्षित रहेको तालिबान सरकारलाई उद्दृत गर्दै स्थानीय सञ्चार माध्यमले जनाएको छ । उनीहरु यतिबेला काबुल एयरपोर्ट नजिकैको ग्यारेजमा रहेको भनिएको छ ।

गत अगस्ट १५ मा तालिबानले अफगानिस्तान नियन्त्रणमा लिएपछि सो मुलुक फर्कनेको संख्या थेगिनसक्नु भएको थियो । दैनिक हजारौंको संख्यामा बाहिरिए पनि अझै विमानस्थलको चाप घट्न सकेको छैन ।