काठमाडौँ । अमेरिकामा कोरोना भाइरस (कोभिड-१९) को डेल्टा भेरियन्ट तीव्र गतिमा फैलिएको छ । अमेरिका अहिले कोरोनाको सबैभन्दा खराब अवस्थाबाट गुज्रिएको छ । पछिल्लो ८ महिनापछि सबैभन्दा धेरै कोरोना संक्रमित फेला परेका छन् ।

कोरोनाका कारण अमेरिका हरेक ५५ सेकेण्डमा एक जना विरामीको मृत्यु हुदै आएको छ । यस्तै, हरेक एक मिनेटमा १११ जना कोरोनाबाट संक्रमित भएका छन् । अर्थात प्रति सेकेण्ड दुई जनामा कोरोना पुष्टि हुँदै आएको छ ।

अमेरिकामा कोरोना संक्रमितको संख्या ४ करोडभन्दा बढी पुगेको छ । ६ लाख ६२ हजारभन्दा बढीले कोरोनाबाट ज्यान गुमाएका छन् । कोरोना महामारी तीव्र गतिमा फैलिएसँगै अमेरिकाका धेरै अस्पतालहरू भरिएका छन् । अस्पतालमा अक्सिजनको कमी हुने आशंका गरिएको छ ।

गत महिनामा मात्रै अमेरिकामा करिब ४२ लाख नयाँ कोरोना संक्रमित थपिएका थिए । यसैगरि मृतकको संख्या करिब २७ हजार पुगेको थियो । रिपब्लिकन राज्यमा मृत्यु हुनेको दर उच्च रहेको छ ।

यसैबीच गत मार्च महिनादेखि अहिलेसम्म डेढ करोडभन्दा बढी डोज कोरोनाको भ्याक्सिन नोक्सान भएको छ । अमेरिकी फार्मेसी कम्पनी तथा राज्य सरकारका अनुसार उक्त परिमाण बराबरको कोरोनाको भ्याक्सिन नोक्सान भएको हो । एजेन्सी