काठमाडौं । सत्ता गठवन्धन दलमा सहभागी तीन दल नेकपा (माओवादी केन्द्र) नेकपा (एकीकृत समाजवादी) र जनता समाजवादी (जसपा)का अध्यक्षहरुको बैठक आज फेरि बसेको छ । जसपा अध्यक्ष उपेन्द्र यादवकै निवास प्रचण्ड, माधव नेपाल र उपेन्द्र यादवको छलफल शुरु भएको हो ।

यस अगाडी पनि यी तीन नेताको यादवकै निवासमा बैठक वसेको थियो । भदौं २४ मा विहान पनि यी तीन नेता झण्डै दुई घण्टा छलफल गरेका थिए । आज फेरि उनीहरु दोहोराएर छलफलमा बसेका हुन् ।

छलफलमा समाजवादी पार्टी निर्माण, मनित्रपरिषद् विस्तार लगायतका विषयमा केन्द्रीत रहेर छलफल छ । त्यस्तै आज दिउँसो सभामुखले बोलाएको सर्वदलीय बैठकमा सहभागी हुँदा बनाइने समान धारणा लगायत समसामायिक विषयमा यी तीन नेता छलफल गर्न बसेको बताइएको छ ।

राजनीतिक दल सम्वन्धी अध्यादेश निश्किय नहुँदा सम्म मन्त्रिपरिषद् विस्तार नगर्न जसपा अध्यक्ष उपेन्द्र यादवले औपचारिक रुपमै प्रधानमन्त्री शेरवहादुर देउवालाई आग्रह गरेपछि मन्त्रिपरिषद् विस्तार समेत रोकिदै आईरहेको छ । यही सन्दर्भमा यी तीन नेताको भेटवार्ता भएको हो ।