काठमाडौँ । गैँडाकोटमा आज बिहान भएको दुर्घटनामा मृत्यु हुनेहरूको पहिचान खुलेको छ । घटनामा तीन जनाको मृत्यु भएको थियो ।

मृत्यु हुनेहरूमा बर्दिया जिल्ला बाँसवारी नगरपालिका ८ की ७० वर्षीय योगमाया सुवेदी, कञ्चनपुरको महेन्द्रनगर झलारी बस्ने ३५ वर्षीय कृष्ण राना र कञ्चनपुरकै ४० वर्षीय रंगी तिवारी रहेका छन् ।

प्रहरीका अनुसार सुवेदीको भरतपुर अस्पताल र अन्य दुईको चितवन मेडिकल कलेजमा उपचारका क्रममा मृत्यु भएको हो ।

दुर्घटनामा परी २४ जना घाइते भएका छन् । घाइतेमध्ये ३ जना गम्भीर रहेको प्रहरीले जनाएको छ ।

गैँडाकोट नगरपालिका १० स्थित स्मृति पुल नजिकै सुदूरपश्चिम प्रदेश ०२–००१ ख ११२३ नम्बरको बस र विपरीत दिशाबाट आउँदै गरेको ना ६ ख ७१२६ नम्बरको ट्रक ठोक्किएको हो ।