काठमाडौं । अर्थमन्त्री जनादर्शन शर्माले कोरोना बीमाको भुक्तानीबारेमा चासो देखाएका छन् ।

बीमा समितिका अध्यक्ष सूर्यप्रसाद सिलवालसहितका पदाधिकारीहरुलाई बोलाएर कोरोना बीमा भुक्तानीबारे चासो देखाएका हुन् ।

बुधबार बीमा समितिका अध्यक्ष सूर्यप्रसाद सिलवालसहितका पदाधिकारीहरुसँग भुक्तानी गर्न बाँकी कोरोना बीमाको सम्बन्धमा छलफल गर्दै अर्थमन्त्री शर्माले कोरोना बीमा भुक्तानीकाबारे थप अध्ययन गरी आवश्यक प्रक्रिया अघि बढाउने आग्रह गरे ।

कोरोना बीमा भुक्तानीको लागि आवश्यक पर्ने स्रोत साधन र उपायका विषयमा पनि समिति पदाधिकारीहरुसँग अर्थमन्त्री शर्माले छलफल गरेका छन् ।

विभिन्न बीमा कम्पनीहरुले बिमितलाई ११ अर्बभन्दा बढी रकम भुक्तानी दिन बाँकी छ ।