काठमाडौं । नेकपा एमालेले पार्टीमा एक अध्यक्ष एक वरिष्ठ सहित ५ उपाध्यक्ष, एक महासचिव, एक उपमहासचिव र ७ सचिव सहित १५ पदाधिकारी रहने गरी प्रस्ताव पेश भएको छ । उपमहासचिव विष्णु पौडेलले विधान महाधिवेशनमा उठाएका सदस्यहरुले दिएको सुझावका आधारमा नयाँ परिमार्जित विधानको प्रस्ताव पेश गरेका हुन् ।

उठेका प्रश्नहरुको जवाफ दिँदै उपमहासचिव विष्णु पौडेलले त्यसको जानकारी दिएका हुन् ।

एमालेमा वरिष्ठ नेताको यस अगाडी रहेको पदीय ब्यवस्था हटाईएको थियो । उपाध्यक्षमा वरिष्ठ उपाध्यक्ष राख्न महाधिवेशनमा प्रतिनिधीहरुले जोडदार माग गरेपछि वरिष्ठ उपाध्यक्षको पद थपिएको हो । यस अगाडी दुई जना उपमहासचिवको ब्यवस्था थियो । तर त्यसलाई विधान संसोधन प्रस्ताव ल्याउँदा त्यो पद हटाईएको थियो । तर अहिले एक जना उपमहासचिवको पद पनि थप गर्ने गरी उपमहासचिव विष्णु पौडेलले एमाले विधान महाधिवेशनको हलमा संसोधन प्रस्ताव ल्याएका हुन् ।

केन्द्रीय सदस्य हुन योग्यता संसोधन

एमालेको केन्द्रीय सदस्य हुनका लागि तोकिएको योग्यतामा पनि संसोधन प्रस्ताव पेश भएको छ । यस अगाडी केन्द्रीय सदस्य हुन पार्टी सदस्य भएको १५ वर्ष हुनुपर्ने भन्ने प्रावधान हटाएर १० वर्ष कायम गरिएको छ । त्यस्तै केन्द्रीय सदस्य बन्नका लागि केन्द्रीय निकायको सदस्य भएको वा राष्ट्रिय प्रतिनिधि परिषद सदस्य भएको व्यक्ति योग्य हुने गरी संसोधन भएको छ ।

स्थायी समितिको संख्या वढ्ने
एमालेको स्थायी समिति ४१ सदस्यीय हुने भनिएको थियो । तर अहिले ४ जनाको संख्या थप गरेर ४५ सदस्यीय बनाइने भएको छ ।

प्रदेश किमिटमा ५० आधार अंक बनाई प्रति निर्वाचन क्षेत्र बराबर ५ जना थप गर्ने गरी प्रदेश कमिटिको संख्या निर्धारण हुने गरी विधान संसोधन प्रस्ताव पेश गरेका छन् । उपत्यकाको विशेष प्रदेशमा ५० जना र प्रत्येक विभागबाट थप ५ जना थप गरेर संख्या तय हुने गरी र्धिारण गरिएको उपमहासचिव विष्णु पौडेलले बताए ।

जिल्ला कमिटिमा पनि ५० जना आधार अंक हुने र प्रदेश निर्वाचन क्षेत्रमा १५ जना थप गरेर संख्या तय हुने पौडेलले बताए ।

उपमहासचिव पौडेलले सहभागीको सुझावलाई ध्यान दिँदै नयाँ पुस्तालाई पनि नेतृत्वमा विकास गर्न ४५ सदस्यीय स्थायी कमिटी बनाइने बताए । यसअघि ४१ सदस्य भनिएको थियो ।