काठमाडौँ । नेपाल–भारत सीमा सुरक्षासम्बन्धी बैठकमा भाग लिन सशस्त्र प्रहरी महानिरीक्षक शैलेन्द्र खनालसहितको टोली दिल्ली प्रस्थान गरेको छ । आइजीपी खनालसँगै सशस्त्रबाट चार सदस्यीय टोली दिल्ली प्रस्थान गरेका हुन् ।

परराष्ट्र मन्त्रालयका र गृहमन्त्रालयबाट समेत प्रतिनिधि उक्त बैठकमा भाग लिन दिल्लीतर्फ लागेका छन् । गत वर्ष भारतमा उक्त बैठक हुने भनिए पनि कोरोना भाइरसका कारण स्थगित भएको थियो ।

मंगलबार र बुधबार गरी दुई दिन सीमा सुरक्षा सम्बन्धी नेपाल–भारतका अधिकारीबीच छलफल हुने बताइएको छ । आइजीपी खनालको टोली बैठक सकेर बिहीबार नेपाल फर्कने कार्यक्रम छ।