काठमाडौं । नेपाली कांग्रेसकातर्फबाट सरकारमा सहभागी हुने नेताको नाम टुंगो लागेको छ ।

कांग्रेसबाट शुक्रबार डा. मिनेन्द्र रिजाल, दिलेन्द्रप्रसाद बडु, उमा रेग्मी र उमाकान्त चौधरी मन्त्री बन्ने भएका छन् ।

सरकारका प्रवक्ता बनाइएका कानूनमन्त्री ज्ञानेन्द्रबहादुर कार्कीलाई सञ्चार तथा सूचना प्रविधि मन्त्री बनाइने भएको छ ।

कांग्रेसको भागमा प्रधानमन्त्रीसहित नौ मन्त्री परेको छ । ती मध्ये ७ मन्त्री र एक राज्यमन्त्री परेको छ ।

यसअघि तीन मन्त्री र एक राज्यमन्त्री नियुक्त भइसकेका छन् । कांग्रेसको भागमा परेको खानेपानी मन्त्रालयको नेतृत्व उमाकान्त चौधरीले गर्ने भएका छन् भने महिला, बालबालिका तथा ज्येष्ठ नागरिक मन्त्री उमा रेग्मी हुने निश्चित भएको छ ।

यसअघि स्वास्थ्य राज्यमन्त्री बनाइएका उमेश श्रेष्ठलाई भने प्रधानमन्त्री एवम् मन्त्रिपरिषदको कार्यालयमा तानिएको छ ।
कांग्रेसबाट यसअघि बालकृष्ण खाँण गृह, नारायण खड्का परराष्ट्रमन्त्री भइसकेका छन् ।