काठमाडौँ । झापाको विर्तामोडमा आइतबार राति एक मासु व्यवसायीको हत्या भएको छ । हत्या हुनेमा विर्तामोड ५ स्थित महानन्दचोकका मासु व्यवसायी रहेका छन् ।्

मासु पसल चलाउँदै आएका करिब ५० वर्षीय इन्द्रकुमार मगरको हत्या भएको प्रहरीले जनाएको छ । पसलमै बसिरहेको बेला राति करिब ८ बजे उनको हत्या भएको स्थानीयबासीले बताएका छन् ।

मगरको घाँटी र पाखुरामा चोट लागेको र उनको घटनास्थलमै मृत्यु भएको प्रहरीले जनाएको छ । प्रहरीले आवश्यक अनुसन्धान सुरू गरेको इलाका प्रहरी कार्यालय विर्तामोडले जनाएको छ ।