काठमाडौँ । कोरोना भाइरस (कोभिड–१९) को बेलामा समेत नेपालबाट कफी निर्यात उत्साहजनक देखिएको छ । भन्सार विभागको तथ्यांकअनुसार आर्थिक वर्ष २०७७–७८ मा दश करोड रुपैयाँ बराबरको कफी निर्यात भएको हो ।

कोभिडका कारण विश्वमा आर्थिक संकटमा परेको बेलामा नेपालको कफी निर्यातमा राम्रो भएको हो । राष्ट्रिय चिया तथा कफी विकास बोर्डका कार्यकारी निर्देशक डा. विष्णुप्रसाद भट्टराईले संकटको अवस्थामा समेत कफीको निर्यात राम्रो भएको बताए ।