काठमाडौं । नेपाली कांग्रेसका युवा नेता रघु कार्की सर्लाही – ४ बाट महाधिवेशन प्रतिनिधि निर्वाचित भएका छन् । मंगलबार सम्पन्न निर्वाचनमा ५ सय १३ मत ल्याएर कार्की विजयी भएका हुन् ।

नेपाल विद्यार्थी संघका पुर्व केन्द्रीय सदस्य समेत रहेका कार्कीले ५ सय १३ मत ल्याउदै महाधिवेशन प्रतिनिधिमा विजय हासिल गरेका हुन् । १२ औँ महाधिवेशन देखि नै क्षेत्रीय प्रतिनिधि चुनिदै आएका थिए ।

‘हाम्रो पुस्ता अब नेतृत्वका लागि अगाडी बढ्दै छ । यसलाई देशभरबाट निर्वाचित युवा प्रतिनिधिले प्रस्ट्याएको छ’ नेता कार्कीले भने ।
नेवि संघभित्र स्पष्ट वक्ता र कूशल संगठकका रूपमा परिचित नेता कार्कीले समाजशास्त्र र राजनीति शास्त्रमा स्नातकोत्तर र कानूनमा स्नातक (एलएलबी) पनि गरेका छन् ।
नेता कार्कीलाई प्रदेश नम्बर २ का महिला, बालबालिका , युवा तथा खेलकुद मन्त्री विरेन्द्र प्रसाद सिंह तथा सर्लाही जिल्ला नेका उपसभापति सुरेन्द्र प्रसाद सिंहले निर्वाचित प्रमाणपत्र दिदै उज्वल भविष्य रहेको नेताको रुपमा उपस्थित माँझ व्याख्या गरेका थिए ।