काठमाडौं । एफए कपको तेस्रो चरणमा लेस्टर सिटीले वाट्फोर्डलाई ४–१ गोल अन्तरले पराजित गरेको छ ।

घरेलु मैदानमा शनिबार राति सम्पन्न खेलमा लेस्टरका लागि युरी टिलेमान्सले सातौं मिनेटमा पेनाल्टीबाट गोल गर्दै आफ्नो टोलीलाई अग्रता दिलाएका थिए ।

त्यसपछि जेम्स म्याडीसन, हार्भे बर्नेस र मार्क अल्ब्राइटनले एक–एक गोल गर्दै लेस्टरलाई जिताएका हुन् ।

वाट्फोर्डका पेड्रोले २७ औं मिनेटमा एक गोल फर्काएका थिए ।

गएरातीकै अर्को खेलमा क्रिस्टल प्यालेसले मिलवाललाई २–१ ले पराजित गर्यो । न्युकासल युनाइटेड क्याम्ब्रिज युनाइटेडसँग १–० ले पराजित गर्दा फुलह्यामले ब्रिष्टोलसिटीलार्य १–० ले पराजित गरेको छ ।

गएरातीकै खेलमा कभेन्ट्रीले डर्वीलाई १–० ले पराजित गरेको छ ।