काठमाडौँ । शीर्ष स्थानको इन्टर मिलानलाई २–१ अन्तरले पराजित गर्दै एसी मिलानले इटालीयन सिरी ए को उपाधिमा थप रोमाञ्चक बनाएको छ । पराजित इन्टर २३ खेलबाट ५३ अंकसहित शीर्ष स्थानमा कायम छ ।

आफ्नो २४ खेलबाट ५२ अंक बनाएको एसी मिलान दोस्रो स्थानमा छ । शनिबार राति भ्रमणकारी टोली एसी मिलानको पुनरागमन जितमा ओलिभियर जिराउडले महत्त्वपूर्ण दुई गोल गरे ।

यसअघि घरेलु टोली इन्टरका इभान पेरिसिकले अग्रता बनाए पनि जितको लागि पर्याप्त रहेन । खेलको इन्जुरी समयमा थियो होर्नाण्डेजले रातोकार्डको सामना गर्दा एसी मिलान १० खेलाडीमा सिमित भएको थियो ।