काठमाडौं । आईसीसी टी–२० विश्वकपको ग्लोबल छनोटको सेमिफाइलनमा संयुक्त अरब इमिरेट्स (यूएई)ले नेपाललाई १ सय ७६ रनको चुनौति पेश गरेको छ ।

ओमानको मस्कटस्थित अल अमेरत क्रिकेट मैदानमा टस जितेर पहिले ब्याटिङ रोजेको यूएईले निर्धारित २० ओभरमा ७ विकेटको क्षतिमा १ सय ७५ रन जोड्यो ।

यूएई सामु प्रारम्भिक चरणमा नेपालको फितलो प्रदर्शन गरे पनि पछि राम्रो खेलेको थियो । १ सय ७६ रनको लक्ष्य पाएको नेपालले आईसीसी विश्वकपमा पुग्न आजको खेलमा यूएईलाई जित्नै पर्ने हुन्छ ।

युएईका लागि ओपरन मोहमद वासीमले अर्धशतक पार गर्दै ४ चौका र ४ छक्काको मद्दतमा ७० रन जोडे । वासिमलाई नेपालका अभिनास बोहराले १७ औं ओभरमा आरिफ शेखबाट क्याच गराएका थिए ।

बलिङमा नेपालका जितेन्द्र मुखिया र अभिनास बोहराले ३–३ विकेट तथा कप्तान सन्दीप लामिछानेले १ विकेट हात पारेका थिए ।