काठमाडौँ । नेपाल राष्ट्र बैंकले सुनको दैनिक आयात कोटामा कटौती गरेको छ ।

सुनको दैनिक आयात कोटा २० केजी तोकिएकोमा राष्ट्र बैंकले आइतबार परिपत्र जारी गर्दे हालको लागि १० केजी कोटा तोकेको हो ।

बाणिज्य बैंक, राष्ट्रियस्तरका बिकास बैंक र अन्य निकायहरुको नाउँमा परिपत्र जारी गर्दे राष्ट्र बैंकले यो व्यवस्था कार्यान्वयनमा ल्याउन निर्देशन दिएको छ ।

बिदेशी विनिमय (नियमित गर्ने) २०१९ को दफा १२ ले दिएको अधिकार प्रयोग गरी सुनको दैनिक आयात कोटामा कटौती गर्ने गरी बिदेशी विनिमय नियमित गर्न एकीकृत परिपत्र २०७८ मा संसोधन गरिएको राष्ट्र बैंकले जनाएको छ ।