विगतमा पुष्प २ बाट रश्मिका मन्डानालाई रिप्लेस गरेको खबर बाहिर आएको थियो । रश्मिकालाई फिल्मको दोस्रो भागबाट हटाइएको भनिएको छ । तर रश्मिकाले यस कुरालाइ अफवाह भनेकी छन् ।

गाल्टा प्लसलाई दिएको एक अन्तर्वार्तामा रश्मिकाले भनिन्– ‘फिल्मबाट मलाई रिप्लेस गरेको धेरै समाचार आइरहेका छन् । तर त्यस्तो होइन, फिल्मको छायांकन सुरु गर्न पाउँदा म निकै उत्साहित छु । अर्को महिनादेखि फिल्मको छायांकन सुरु गर्छु भन्ने लागेको छ । यो फिल्म पहिलो भाग भन्दा ठूलो र राम्रो हुनेछ। फिल्मको दोस्रो हाफ निकै रोचक रहेको सुनेको छु ।’

रश्मिका ‘पुष्पाः द राइज इन पुष्पाः द राइज’ बाट स्टार बनेकी रश्मिकाले श्रीवल्लीको भूमिकाबाट देशैभर चिनिन सफल भइन् । फिल्ममा अल्लु अर्जुनसँगको उनको केमेस्ट्री निकै रुचाइएको थियो ।

हालसालै खबरहरू आएका थिए कि निर्माताहरूले साई पल्लवीलाई दोस्रो भागको लागि सम्पर्क गरेका थिए। तर, अहिले रश्मिकाले यी खबरलाई पूर्णविराम लगाएकी छिन् ।