काठमाडौं । उद्योगी ब्यवसायीहरुको छाता संगठन नेपाल उद्योग वाणिज्य महासंघको वरिष्ठ उपाध्यक्षमा मतगाण्ना जारी छ । जिल्ला नगर, एशोसिएट र वस्तुगत समुहको निर्वाचन परिणामपछि वरिष्ठ उपाध्यषका लागि अहिले मतगणना जारी छ । जारी मतगणनामा उमेशलला श्रेष्ठ अगाडी देखिएका छन् ।

उनले ३०० मत गणना हुँदा ११३ मत पाएका छन् । वरिष्ठ उपाध्यक्षमा अन्जन श्रेष्ठ, रामचन्द्र संघाई र उमेशलाल श्रेष्ठ प्रतिस्पर्धामा छन्।

त्यस्तै पारम्भिक मत परिणाममा अञ्जनले ९१ मत र रामचन्द्र संघाईले ९६ मत पाएका छन् ।

महासंघमा वरिष्ठ उपाध्यक्षको लागि जिल्ला नगरको ५० प्रतिशत, एसोसिएटतर्फ ३० प्रतिशत र वस्तुगततर्फ २० प्रतिशत मतभार छ।
निर्वाचन जित्नका लागि जुनकुनै उम्मेदवारले पनि ५० प्रतिशत मत कटाउनु पर्ने हुन्छ । ५० प्रतिशत मत कटाउन नसकेमा बढी मत पाउने दुई प्रतिस्पर्धीका बीचमा फेरि मतदान हुनेछ ।

३०० को पारम्भिक मत परिणाममा तीनै जना उम्मेदवारका बीचमा कडा प्रतिस्पर्धा देखिएको छ । यसले फेरि दोहोरयाएर मतदान हुने पारम्भिक संकेत देखा परेको छ ।