काठमाडौं । विद्युत प्राधिकरणले डेडिकेटेड फिडर र ट्रंकलाइन विवादका कारण काटेको उद्योगको बिजुली शुक्रबार मध्यरातमा जोडिदिएको छ ।

मंगलबार बसेको मन्त्रिपरिषद् बैठकले छानबिन आयोग गठन गरी काटिएको लाइन तत्काल जोडिदिने निर्णय गरेको थियो ।

प्राधिकरणले उक्त निर्णय पश्चात चार दिनपछि मात्र लाइन जोडिदिएको हो ।

नेपाल उद्योग वाणिज्य महासंघका पूर्वअध्यक्ष पशुपति मुरारका अनुसार शुक्रबार राति १–२ बजेसम्म उद्योगहरूमा लाइन जोडिएको थियो ।

त्यस्तै शुक्रबार राति पौने ११ बजे जगदम्बा स्टिल्सको लाइन जोडिएको उद्योगका सन्चालक तथा नेपाल रोलिङ मिल्स एसोसिएसनका अध्यक्ष शाहिल अग्रवालले बताए ।

विद्युत प्राधिकरणले ६ पुसबाट धेरै बक्यौता रहेका उद्योगमा लाइन काट्न थालेको थियो ।