काठमाडौं । नेपालमा पछिल्लो २४ घण्टामा ७३ जनामा कोरोना भाइरस संक्रमण पुष्टि भएको छ ।

देशभरका विभिन्न प्रयोगशालामा ५ हजार ६२ जनामा गरिएको नमूना परीक्षणमा ७३ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

सोही अवधिमा १९२ जना कोरोना संक्रमणमुक्त भएका छन् । हाल देशभर ५ हजार ५० जना कोरोनाका सक्रिय संक्रमित छन् । पछिल्लो समय संक्रमण दर र मृत्यु दर निकै कम हुँदै गएको छ । शनिवार कोरोना संक्रमणबाट सून्य मृत्यु रहेको मन्त्रालयको अध्यावधिक विवरणमा उल्लेख छ ।