लमजुङ । जिल्ला प्रहरी कार्यालय लमजुङले २२० केभी राष्ट्रिय प्रसारण लाइन निर्माणमा अवरोध गरेको भन्दै आइतबार चार जनालाई नियन्त्रणमा लिएको छ ।

लमजुङका प्रहरी प्रमुख डीएसपी कृष्णबहादुर कार्कीले दोर्दी गाउँपालिका १, ढोकेबेँसीमा राष्ट्रिय प्रसारण लाइन निर्माण गर्ने क्रममा तार टाँग्दै गर्दा डोरी काटेको भन्दै उनीहरूलाई नियन्त्रणमा लिएको हो ।

डिएसपी कार्कीका अनुसार उनीहरूले प्रसारण लाइनको एउटा गाडीमा पनि तोडफोड गरेका छन् । पीडितले २२० केभी प्रसारण लाइन मुनि आफ्नो घर रहेको र प्रभावित भए पनि पीडितको सुनुवाइ नभएको भन्दै पीडितले संघर्षका विभिन्न कार्यक्रम गर्दै आएका थिए ।

प्रहरीले तार टाँगिरहेको समयमा डोरी काटेको र गाडी तोडफोड गरेपछि दोर्दी गाउँपालिका १ ढोकेबेँसीका पवित्रा थापा, राजेश थापा, सञ्जिव थापा र सन्तोष गिरीलाई नियन्त्रणमा लिएको हो ।