काठमाडौँ । श्रीमतीको हत्या गरेको आरोपमा प्रहरीले एक जनालाई पक्राउ गरेको छ । श्रीमती ५० वर्षीया मनकला भुषालको हत्या अभियोगमा सितगंगा नगरपालिका ३ खसर्का बस्ने ५४ वर्षीय पिताम्बर भुषाललाई प्रहरीले पक्राउ गरेको हो ।

घरायसी विवाद हुँदा पिताम्बरले लोहोरा प्रहार गर्दा मनकलाको घटनास्थलमै मृत्यु भएको प्रहरीले जनाएको छ । घटनालगत्तै इलाका प्रहरी कार्यालय ठाडा र जिल्ला प्रहरी कार्यालय अर्घाखाँचीबाट खटिएको प्रहरीले उनलाई पक्राउ गरेको हो ।

घटनाबारे प्रहरीले आवश्यक अनुसन्धान गरिरहेको छ ।