काठमाडौँ । नेपालको अग्रणी डिजिटल वालेटमध्ये खल्तीले माघ १२ गते (२६ जनवरी) मा आफ्नो छैठौं वार्षिकोत्सव मनाइरहेको छ । नेपालीहरूको सामान्य भुक्तानी आवश्यकतामा योगदान पुर्याउँदै सुरुवात गरेको थियो ।

त्यस बेलादेखि खल्तीले हरेक नेपालीलाई वित्तीय समावेशीकरण उपलब्ध गराउने भिजन र मिशन लिँदै अगाडि बढेको छ । आफ्नो वार्षिकोत्सवको उपलक्ष्यमा यस यात्रामा साथ रहेका सम्पूर्ण प्रयोगकर्ता, साझेदार, नियामक, एजेन्ट, र व्यापारीहरूलाई खल्तीले आभार व्यक्त गर्दछ ।

खल्ती, नेपालभरि दैनिक तीन लाखसम्म भुक्तानी गरिरहेका ३१ लाख प्रयोगकर्ताको साथ लिई, तीव्र गतिमा अघि बढ्दै गइरहेको वित्तीय प्रविधि स्टार्टअपको रूपमा उभिएको छ । हाल देशभरि ७० हजार एजेण्ट, ६० हजार व्यापारी, ५० हजार बैंक तथा वित्तीय संस्था, एक हजार १०० सहकारीहरू र २५० कर्मचारीको साथमा काम गरिरहेको छ ।