काठमाडौँ । रौतहटको गौर नगरपालिका ६ स्थित गौर बसपार्कमा ड्युटीमा खटिएको प्रहरीलाई हातपात तथा गाली गलौज गरेको अभियोगमा पाँच जना पक्राउ परेका छन् ।

पक्राउ पर्नेमा चपुर नगरपालिका ४ बस्ने २० वर्षीय सुदर्शन साहसहित पाँच जना रहेका छन् । अस्थायी प्रहरीले पोष्ट बसपार्कबाट खटिएको प्रहरीले उक्त बसपार्कमा छरिएका सवारी साधन व्यवस्थापन गर्ने क्रममा ग १ ख ६१०७ नम्बरको बसको कण्डक्टर साहले प्रहरीमाथि अपशब्द प्रयोग गरी गाली गलौज गरेका थिए ।

अन्य व्यक्तिहरूले प्रहरीमाथि गाली गलौज, हातपात तथा कुटपिट गरेपछि थप ४ जनालाई समेत प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।