आइतबार, मंसिर १४, २०८२

पिएनजीका असद भालाले बनाए अर्धशतक

मेरोन्यूज २०७९ चैत १ गते १२:०३

काठमाडौँ ।आईसीसी विश्वकप क्रिकेट लिग टु खन्तर्गतको अन्तिम खेलमा पपुवान्युगिनी (पिएनजी) का असद भालाले अर्धशतक बननाएका छन् । युएईविरूद्ध पहिला ब्याटिङ गरिरहेको पिएनजीका भालाले ७३ बलमा ५२ रन बनाएर खेलिरहेका छन् ।

मध्यम स्कोर बनाएको पिएनजीले ३५ ओभरमा ४ विकेट गुमाइ १२२ रन बनाएको छ ।

त्रिवि क्रिकेट मैदान कीर्तिपुरमा बिहान साढे ९ बजेबाट सुरू भएको खेलमा पीएनजीले पहिला ब्याटिङ गरेको थियो ।

पाँच दिन अघि काठमाडौंमा भएको युएईसँगको पहिलो खेलमा पीएनजीले युएईविरुद्ध ५६ रनको जित निकाल्दै लगातार चौथो जित निकालेको थियो।

पिएनजीले हालसम्म ३५ खेलबाट ५ जितसहित ११ अंक मात्र जोडेको छ।

३४ खेल खेलिसकेको युएईको ३१ अंक छ। अमेरिकाको ३५ अंक छ।

भोलि नेपाल र यूएईबीच लिग टुको अन्तिम खेल हुनेछ। अन्तिम खेलपछि शीर्ष तीनको टुंगो लाग्नेछ।

स्कटल्यान्ड ५० अंकका साथ च्याम्पियन र ओमान ४४ अंकका साथ दोस्रो स्थानमा रहँदै सोझै विश्वकप छनोटमा स्थान बनाइसकेका छन्।

प्रतिक्रिया