काठमाडौँ । लुम्बिनी विकास बैंक लिमिटेडले देशका विभिन्न ठाउँमा बैंकिङ्ग सेवा पुर्‍याउने उद्देश्यले एटिएम सेवा विस्तार गरेको छ । बैंकले हाल ८९ वटा शाखा, एक वटा एक्सटेन्सन काउण्टरमार्फत सेवा प्रदान गर्दै आएको छ ।

साथै, बैकले सेवा विस्तार गर्ने क्रममा ललितपुर जिल्ला गोदावरी नगरपालिका ०५ स्थित आफ्नो लेले एक्सटेन्सन काउन्टर बाट एटिएम सेवा सुरु गरी स्थानीय स्तरमा अझै सहज बैंकिङ्ग सेवा पुर्‍याउन पहल गरेको छ । उक्त उद्घाटन कार्यक्रमको सभापतित्व विकास बैंकका मुख्य प्रबन्धक दिपक खनालले गरेका थिए ।

उद्घाटन कार्यक्रमका प्रमुख अतिथि गोदावरी नगरपालिका ०५ का वडाध्यक्ष मिलन सिलवालले गरेका थिए । उक्त समारोहमा अतिथिको रुपमा गोदावरी नगरपालिकाका ५ का वडा सचिव बाल कृष्ण सिलवाल र मध्य ललितपुर कृषि विकाश सहकारी संस्थाका अध्यक्ष बच्चु राम सिजापतिले गरेका थिए ।