काठमाडौँ । २०७९ सालको अन्तिम कारोबार दिन सेयर बजारमा गिरावट आएको छ । आज सेयर बजार परिसूचक नेप्सेमा १.४८ प्रतिशतले गिरावट भएर बन्द भएको छ ।

बुधबार नेप्सेमा ९२.२२ अंकको उच्च वृद्धि भएको थियो । तर, बिहीबार बजार परिसूचक नेप्से २९.०७ अंकले गिरावट हुँदा १९३४.४७ अंकमा बन्द भएको छ ।

बिहीबार सेयर बजारका सबै उपसूचकहरु घट्दा नेप्से पनि ओरालो लागेको हो । आज कारोबार रकम पनि खुम्चिएको छ ।

आज एक अर्ब ६५ करोड ३३ लाख रुपैयाँको कारोबार भएको हो । आज शिवम् सिमेन्टको सर्वाधिक आठ करोड ४३ लाखको कारोबार भएको छ ।