काठमाडौं । इण्डियन प्रिमियर लिग (आर्ईपीएल) अन्तर्गत गएराति सम्पन्न खेलमा पञ्जाब किंग्सले लखनउ सुपर जायन्ट्सलाई २ विकेटले हराउँदै तेस्रो जीत निकालेको छ ।

जारी सिजनमा पञ्जाबले दुई खेलमा भने पराजय व्यहोरेको छ । पाँचौं खेलमा लखनउmले दिएको १ सय ६० रनको लक्ष्य पञ्जाबले १९.३ ओभरमा ८ विकेटको क्षतिमा भेट्टायो ।

पञ्जावका लागि सिकन्दर राजाले ४१ बलमा ४ चौका र ३ छक्का प्रहार गर्दै ५७ रन बनाए । त्यस्तै, म्याथ्यू सर्टले ३४, जितेश शर्माले २३ र हरप्रित सिंहले २२ रन बनाए ।

लखनउmका लागि रवि विश्नोई, मार्क वुड र युधवीर सिंहले दुई,दुई तथा कृणाल पाण्ड्या र कृष्णप्पा गौतमले एक, एक विकेट लिए ।

त्यसअघि लखनउmस्थित अटल बिहारी वाजपेयी एकना स्टेडियममा टस हारेर ब्याटिङ गरेको जायन्ट्सले निर्धारित २० ओभरमा ८ विकेट गुमाएर १ सय ५९ रन बनायो । उसका लागि कप्तान केएल राहुलले अर्धशतकीय पारी खेले । ५६ बलमा उनले ८ चौका र १ छक्कासहित ७४ रन बनाए । त्यस्तै, कायल मेयर्सले २९, कृणाल पाण्ड्याले १८ र मार्कस स्टोइनिसले १५ रन जोडे ।

पञ्जाबका लागि कप्तान साम करनले चार ओभरमा ३१ रन दिएर तीन विकेट लिए । लखनउविरुद्ध चोटका कारण नियमित कप्तान शिखर धवनले विश्राम लिएका थिए । त्यस्तै, कागिसो रबाडाले दुई, हरप्रित ब्रार, अर्शदीप सिंह र सिकन्दर राजाले एक, एक विकेट लिए । जितसँगै पञ्जाब ६ अंकसहित तालिकाको चौथो स्थानमा उक्लिएको छ । हारका बाबजुद लखनउ ६ अंकसहित दोस्रो स्थानमा कायमै छ ।