काठमाडौं । राजस्व अनुसन्धान विभागले बरामद गरेको सुन सहितका स्कुटरका ब्रेक शु १५५ किलो भएको छ । नेपाल राष्ट्रबैंकको टक्सार विभागले ब्रेक सु जोख्दा कुल तौल १५५ किलो आएको हो ।

राजस्व अनुसन्धान विभाग स्रोतले भन्यो, ‘कुल एक सय ६० वटा ब्रेक सु फेला परेको थियो, तीमध्ये एउटाबाहेक सबैमा सुन रहेको पाइयो । सबै जोख्दा १५५ किलो भयो ।’

अब ती ब्रेक सुबाट सुन निकालेर जोखिने विभागले जनाएको छ । ‘ब्रेक शु भित्र सुनका साना साना टुक्रा छन्, सबै निकालेर जोख्न केही समय लाग्छ,’ स्रोतले भन्यो ।

राजस्व अनुसन्धान विभागले मंगलवार काठमाडौंको सिनामंगलबाट भन्सार पास भइसकेको अवस्थामा ब्रेक सुमा लुकाएर राखेको सुन बरामद गरेको थियो । ती ब्रेक सुमा १०० किलोग्रामभन्दा बढी सुन भएको अनुमान विभागको छ ।