काठमाडौं । बलिउड अभिनेता सलमान खानले हालै अमेरिकी लक्जरी घडी र ज्वेलरी ब्रान्ड ज्याकब एण्ड कम्पनीका मालिक ज्याकब अरबोलाई भेटेका थिए।

यस अवसरमा ज्याकबले सलमानलाई आफ्नो लक्जरी घडी बिलिनियर थ्री लगाउन लगाएका थिए। ७१४ सेतो हीरा जडित यो घडीको मूल्य १६७ करोड रुपैयाँ भारु छ ।

सलमानलाई घडी लगाएकाे भिडियो आफ्नो इन्स्टा अकाउन्टमा शेयर गर्दै ज्याकबले लेखेका छन् ‘, मैले अहिलेसम्म कसैलाई बिलिनियर लगाउन दिइन, तर सलमान अरूभन्दा फरक छन्।’

क्लिपमा ज्याकबले सलमानलाई आफ्नै हातले घडी लगाउन लगाएको देखिन्छ। घडी लगाएपछि सलमानले उनलाई अँगालो हालेर क्यामेरातिर हात देखाएका थिए ।

क्रिस्टियानो रोनाल्डो लगायत धेरै सेलिब्रेटीहरूले ज्याकोब अरबो बिलिनियर थ्री लग्जरी घडी लगाउँछन् जसको मूल्य रु १६७ करोड भारु पर्ने बताइन्छ । यस घडीमा १५२ वटा सेतो हीरा र ७६ वटा हीरा जडिएका छन्। साथै घडीको ब्रेसलेटमा ५०४ सेतो कट हीरा जडान गरिएकाे छ।