शनिबार, मंसिर १३, २०८२

सुदुरपश्चिम रोयल्सको ब्रान्ड एम्बेसडरमा ओलम्पियन विष्ट, प्रमुख प्रशिक्षकमा टमट्टा

मेरोन्यूज २०८१ असोज १८ गते १४:११

काठमाडौं । सुदुरपश्चिम रोयल्सको ब्रान्ड एम्बेसडरमा ओलम्पियन दिपक विष्ट नियुक्त भएका छन् ।

४ पटक दक्षिण एसियाली स्वर्ण पदक र तेक्वान्दोमा २ पटक एसियाली कास्य पदक जितेका विष्टलाई रोयल्सले आफ्नोब्राण्ड एम्बेसडरमा नियुक्त गरेको हो ।

विष्टको नेतृत्व र प्रभावमा खेलकुद क्षेत्रमा आफ्नो उपस्थितिलाई उकास्ने मात्र नभई राष्ट्रिय तथा अन्तर्राष्ट्रिय स्तरमा सुदूरपश्चिमको जीवन्त संस्कृति, प्रतिभा र सम्भावनालाई प्रवर्द्धन पनि गर्ने सुदूरपश्चिम रोयल्सले बताएको छ ।

यस्तै रोयल्सको प्रमुख प्रशिक्षकमा जगत टमट्टा नियुक्त भएका छन् । राष्ट्रिय क्रिकेट टीमको हेडको रुपमा समेत काम गरिसकेका टमट्टाको नेतृत्वकालमा नेपालले सन् २०१८ मा आइसीसी विश्व क्रिकेट लिग डिभिजन-२ मा पहिलो पटक एकदिवसीय मान्यता प्राप्त गरेकाे थियाे ।

यस्तै रोयल्सकाे सिइओमा प्रकाश खड्का नियुक्त भएका छन् । क्रिकेट क्षेत्रमा १० वर्ष भन्दा बढी अनुभव भएका खड्काले धनगढी प्रिमियर लिग (DPL) को निर्देशकको रुपमा काम गरिसकेका छन् ।

नेपाल क्रिकेट संघ (क्यान) ले आयोजना गर्ने नेपाल प्रिमियर लिग (एनपिएल) का लागि सुदूरपश्चिमको मार्की खेलाडीका रुपमा राष्ट्रिय क्रिकेट टोलीका अलराउन्डर दीपेन्द्र सिंह ऐरी रहेका छन् ।

प्रतिक्रिया