काठमाडौं । गायिका समीक्षा अधिकारीले श्री एयरलायन्सबाट धोका पाएको भन्दै गुनासो गरेकी छन् ।

आइतबार सामाजिक सञ्जालमा एक पोष्ट लेख्दै गायिकाले यस एयरलाइन्सको कारण आफ्नो कार्यक्रम छुटेको बताइन् ।

‘मौसम खराबीले उडान प्रभावित हुनु त स्वाभाविकै हो । तर एयरपोर्ट खुलिसक्दा पनि बिहान ८ बजेको प्लेन अब दिउँसो २ बजे मात्रै उड्छ भन्दै श्री एयरलाइन्सले यात्रुलाई एयरपोर्टमै अलपत्र पारेको छ । अन्य एयरलाइन्सले धमाधम प्लेन उडाइरहेका छन्’, उनले लेखेकी छन् ‘केहि दिनअघि पनि मैले यही एयरलाइन्सबाट धोका पाएपछि नेपालगन्जको कार्यक्रम नै छुटाउनु परेको थियो । आज पनि म बिहानैदेखि काठमाडौँ एयरपोर्टमै छु ।’

गायिका समीक्षाले थप लेखेकी छन् ‘श्री एयरलायन्सबाट धोका पाउने म पहिलो पात्र पक्कै होइन। ‘यस्तो घटना कि त अन्य एयरलाइन्ससँग कमिसन खाने कर्मचारीले घटाउँछन् ?, कि त यो एयरलाइन्सको काम छैन ।’