काठमाडौं । प्रदेश १ प्रदेश सभाको बजेट अधिवेशन आज सुरु हुँदै छ ।

गत बिहीबार बसेको प्रदेश मन्त्रिपरिाष्द बैठको सिफारिसमा प्रदेश प्रमुख सोमनाथ अधिकारीले आज दिउँसो २ बजे बस्ने गरी अधिवेशा आह्वान गरेका हुन् । प्रदेश १ प्रदेश सभाको यो आठौं अधिवेशन हो ।

कोरोना महामारीलाई कारण देखाउँदै समयमा प्रदेश सभा अधिवेशन नबोलाएको प्रदेश १ सरकारले आर्थिक कार्यविधि ऐन २०७४ संशोधन गर्न अध्यादेश जारी गर्ने निर्णय यसअघि गरेको थियो ।

कार्यविधिमा उल्लेख भएको १५ दिनअघि पूर्वबजेट छलफल गर्नुपर्ने प्रावधानलाई संशोधन गरी पाँच दिन बनाइएको छ ।

यसैबीच प्रदेश १ सरकार र मुख्यमन्त्री शेरधन राईलाई दिएको समर्थन माओवादी केन्द्रले फिर्ता लिएको छ । माओवादी केन्द्रले हिजो नै प्रदेश सरकारलई दिएको समर्थन फिर्ता लिएको पत्र प्रदेश सभा सचिवालयमा दर्ता गरिसकेको छ ।

सरकारलाई दिएको समर्थन फिर्ता ीलएको माओवादी केन्द्रका सांसदलाई पिवक्षीको रोस्टरमा बस्ने व्यवस्था मिलाएको प्रदेश सभा सचिवालयले जनाएको छ । माओवादी केन्द्रले समर्थन फिर्ता लिएपनि प्रदेश १ मा एमालेको एकल बहुमत छ ।