काठमाडौँ । पूर्वप्रधानमन्त्री तथा नेकपा एमालेका नेता झलनाथ खनाललाई नयाँ दिल्ली लगिने भएको छ । उनको स्वास्थ्यमा सुधार हुन नसकेपछि थप उपचारका लागि दिल्ली लगिने भएको हो ।

खनाललाई आज बुधबार दिउँसो साढे बाह्र बजे दिल्ली लैजान लागिएको उनको सचिवालयले जनाएको हो । उनको थप उपचार दिल्लीको एपोलो अस्पतालमा हुनेछ ।

ज्वरो आउनुका साथै र रगतमा हेमोग्लोबिनको मात्रा कमी भएपछि उनलाई गत सोमबार बिहान थापाथलीस्थित नर्भिक अस्पतालमा भर्ना गरिएको थियो ।

यसअघि कोरोना भाइरस (कोभिड–१९) संक्रमण भई लामो समय नर्भिक अस्पतालमा नै उपचार गरी उनी घर फर्किएका थिए ।