काठमाडौं । जात थाहा पाएर भाडामा नदिने घरबेटी पक्राउ परेकी छिन् । कथित तल्लो जात भएको कारण देखाउँदै कोठा नदिएको जाहेरीको आधारमा काठमाडौं महानगरपालिका ११ बबरमहलका ५८ वर्षिया सरस्वती प्रधान पक्राउ परेकी हुन् ।
जात थाहा पाएपछि कोठा नदिएको जाहेरीको आधारमा महानगरीय प्रहरी वृत सिंहदरबारले आईतबार पक्राउ गरेको हो । पक्राउ परेका प्रधानलाई जिल्ला अदालतमा लगेर म्याद थप अनुसन्धा कार्य अगाडी बढाईएको महानगरीय प्रहरी परिसर काठमाडौंका प्रवक्ता प्रहरी उपरीक्षक (एसपी) रमेश बस्नेतले मेरोन्युजलाई जानकारी दिए ।

कथित दलित भएकै कारण कोठा नदिने भनिएपछि सञ्चारकर्मी रुपा सुनारले गत असार ३ गते घरबेटी प्रधान विरुद्ध जातीय भेदभाव छुवाछुत तथा कसुर र सजाय ऐन २०६८ अनुसार जाहेरी दिएकी थिईन् ।