काठमाडौं । नेकपा एमाले माधव नेपाल पक्ष शुक्रबार बस्ने पार्टीको केन्द्रिय कमिटीको बैठकमा नजाने भएको छ । आज बुद्धनगरस्थित क्वालिटी वैंक्वेटमा बसेको नेपाल पक्ष स्थायी कमिटीको बैठकले पार्टीको केन्द्रिय कमिटीको बैठकमा नजाने निर्णय गरेको नेता रघुजी पन्तले मेरोन्यूजलाई बताए ।

उनले पार्टी अध्यक्ष केपी शर्माले एक पक्ष रुपमा बैठक बोलाएकाले बैठकमा सहभागी नहुने सर्वसम्मत निर्णय भएको बताए । बैठकले पार्टी एकताका लागि आह्वान समेत गरेको छ । ओलीले बोलाएको बैठकमा नजाने विषयमा माधव समूहका सबै नेता एकमत देखिएको पन्तले बताए । माधव पक्षले प्याकेजमा सहमति गरिनुपर्ने बताउँदै आएको छ ।

नेपाल पक्षको बैठकमा संस्थापन पक्षसँग वार्तामा रहेका नेताहरुले अहिलेसम्म भएका छलफलको बारेमा जानकारी गराएको र कुनै पनि सहमति नभएको बताएका थिए